這一次又是纏綿了很久，甚至比上年係上海回來時更厲害，每年冬天都好似氣管一定會出問題。
看了幾次醫生，中西醫都看過了，看中醫已經可以講得出藥材既藥性，大概可以考慮下次唔讀sosc, 讀中醫，不過病情未見好轉，２４號又下鄉了，傳聞今年仲未落雪，不過經常落雨，落雨好凍．．想起已經覺得好凍，下面冇醫生，試下帶隻雞去拜會一下鬼醫，可以驗證一下苗族醫學同神話，出發前都唔見得會轉好，點算好？今次比較擔心！
今日終於寫晒所有ｐａｐｅｒ。
今晚要開會。
Posted in: 隨心 |
回應(1) | 回應的RSS | 暫時未有引用通告| 
(0)
今日終於考完試，不過仲有paper….回到家再上in media看關於天星的報導。同樣相似的場境, 同樣的日子，舊年17號晚的感受一時兜上心頭，昨晚10點幾，其實收到3個係天星既朋友call人幫手既手機短訊，現實上是明天要考試，只能回一個鼓勵的短訊，無力感又再出現。
reclaim the street at 2002, Oslo
Reclaim the Streets at 2006, Helsinki
Posted in: 隨心 |
按此回應 | 回應的RSS | 暫時未有引用通告| (0)
今日收到風名義上既老細可能過檔poly, 於是問題就出現喇?究竟我同潘個十幾個學生既命運會係點呢?其實我有90%肯定我跟YC, 而跟YC其實係一個唔錯既選擇啦, 不過YC剩低有1年半合約, 如果我未畢業佢同科大又唔續約又或者比ust ko左…..咁就係最差既情況喇…..千祈唔好出現….!!! 前日波羅問我究竟點睇做唔做物流方面既研究，佢要同外國既FUNDER攞FUND, 老實講……物流, 興趣唔大, 不過都可以做既, 一是冇咩文獻可以睇, 因為題目比較新, 發揮自由度大, 不過就同Sacom既project 有關….頭大……
昨晚叫做完成左509既paper, 仲有一個exam同paper一份, 有時諗究竟係作業定作孽呢?開始對重返校園懷疑, 特別係有不明朗因素出現既時候, 贊同肥仔既”威威指數”(Wai-Wai Index)在資大既功利主義下, 的確如是。於是要問的是, 情境如此，要如何自處? 大概多收風, 知道地雷點再我行我素好了。反正, 2年中做好自己就ok了~!任性~!!
Posted in: 隨心 |
按此回應 | 回應的RSS | 暫時未有引用通告| (0)
突然之間覺得同好多10幾20歲時中學年代既好朋友開始好有距離，呢種距離唔係單指好耐唔見一次面或者分開兩地，不過是大家都在香港, 但見面時仿如找不到話題一樣，她/他們很多都已經在工作或者已經工作了很多年，其他的生活亦比較”精彩”，比較有相同既生活經驗。而單獨地，我選的是一條讀書既路，大家既生活圈子唔同，又不像她/他們聯絡得比較密切，而我對大家的現狀不太了解呢！感覺大家生分了，可以分享的缺乏了很多，有點感慨呢~~
不過大概這個就是生命的精彩之處吧? 其實大家都在走自己既路，做緊自己想做既事，過緊自己既生活，大家又有何不同呢？不見得誰好誰差，大家都過得愉快就可以了。
Posted in: 隨心 |
按此回應 | 回應的RSS | 暫時未有引用通告| (0)
今日中午同同學仔入西貢食lunch，叫左砵酒焗生蠔，一個排骨味既……蠔…..由於感到唔滿足既關係, 於是就買材料整左呢個”芝士焗生蠔”,如果上碟既話應該會靚d, 不過自己係屋企食就算啦~~唔, 呢隻芝士d味太濃, 下次換一隻。
Posted in: 隨心 |
按此回應 | 回應的RSS | 暫時未有引用通告| (0)
今日同gec食lunch同行街，其實功課堆積如山，不過見佢今日放假同話想買褲，咁我就又hea左一日喇！
其實我覺得我同佢都幾有趣,，4年之中轉來轉去，係相當了解我….既一個”知已”啦….哈哈~~!!最後佢買唔到褲，反而係我買到頭巾同check左頭髮換洗頭水，不過原來放大左既頭都幾得人驚，功課…..就….百廢待舉……..做左好多其他野就係唔想做功課。
呢兩日做左2次貝殼cake，唔知點解，都唔似瑪德林既質感， 只係似cake……..究竟點解呢?
Posted in: 隨心 |
回應(1) | 回應的RSS | 暫時未有引用通告| (0)